पाणी.......

पाण्यासाठी पायपीटही 

करिती माय बहीणी

घागर भरणे घेऊनी 

डोईवर भरे पाणी

  एकाएका थेंबासाठी

  वणवण फिरती रानी

  नदी आटली झरे आटले

   वाहे नयनी पाणी

पाण्याचे हे मोल 

न समजे आम्हावाणी

जीवाच्या पार भारी

घागरीने भरे पाणी

  जाणा तुम्ही पण मोल

  अन्यथा येईल नयनी पाणी

  जनावरे ही कासावीस

   धावे रानीवनी

घामाच्या धारांनी सजली

मायमाऊली केविलवाणी

येऊ द्या ह्रदयाला पाझर

फिरे पहा ती अनवाणी

   म्हणूनच एक विनंती

   वाचवूया आपण पाणी

   अन्यथा फिरेल अपुली 

   माय ही अशीच अनवाणी