ऑनलाईन प्रेमगाथा

आठवतंय का ती वेळ

जेव्हा दूर पलिकडे बसून

केला होतास तू मला

पहिला ई-मेल

आठवतंय का ती वेळ

रिप्लाय काय असेल

पाहण्यासाठी होतास

जागा तू कितीतरी वेळ

आठवतंय का ती वेळ

जेव्हा भरपूर बोलायचो

जग चालायचं एकीकडे

आपण अलिप्त असायचो

फोन वरच करून propose

केलंस तुझ्या घरी disclose

मी ही त्वरित होकार दिला

तुझा प्रस्ताव स्वीकार केला

प्रश्न होता माझ्या घरचा

कसा आता सोडवायचा

नवस केले खूप देवाला

साकडं घातलं भवानीला

घरी मिटिंग झाली सेट

सर्वांचा एकच प्रश्न

कुठे झाली तुमची भेट

आता कसं सांगावं राव इंटरनेट

मैत्रिणीचा भाऊ म्हणून

दिली जुनी theory ठोकून

घरच्यांनीही विश्वास ठेवला

अगदी डोळे झाकून

शेवटी भवानी पावली

घरच्यांचा आला होकार

सोबत राहायचे स्वप्न

झाले आपले साकार