ओल्या क्षणांची आठवण
ओल्या क्षणांची आठवण
कधी कधी वाटतं.... पावसात चिंब भिजावं...
कोसळणाऱ्या सरींना अलगद कवेत घ्यावं....
भरून आलेलं मन...आभाळासारखं रिक्त व्हावं....
कुणीतरी माझ्यावर.... माझ्यातकंच प्रेम करावं...
होऊ द्यावं शिंपण.... तुषारांचं अंगभर.....
ओल्या क्षणांची आठवण.... जपावी आयुष्यभर...
अलगद थेंबासारखं.....स्वार व्हावं सरींवर....
आकाशाशी नातं तोडून.... धाव घ्यावी धरणीवर....
अवखळ नदीसारखं....रानावनातून धावावं...
पर्वताचा उंबरठा ओलांडून....सागराशी एकरूप व्हावं...