नकळत सारे घडले !

कविता लिहून पेपरला प्रकाशित मी केले

ते वाचून प्रतिसाद तू मला दिले

अन ओळखी वाटेवर बोलणे झाले

हे नकळतच सारे घडले......!

आपले अधून मधून बोलणे सुरू राहिले

त्यामधूनी नि:स्वार्थी प्रेमाचे

एक अनमोल नाते निर्माण झाले

भान त्याचे कुणाला ना राहिले

हे नकळत सारे घडले........!

तुला बघताक्षणी प्रिये

नाव तुझे हृदयावरती मी कोरीले

आठवणींनी तुझ्या व्याकूळ होऊनी मी

मनात माझ्या प्रेमांकुर फुटले

हे नकळत सारे घडले.......!

दोघांनीही आपल्या घरच्या समोर

आज लग्नाचा प्रस्ताव मांडले

"मार्शल" दोन्हीकडील मंडळींनी वेळीच

आपल्या लग्नास होकार दर्शविले

हे नकळत सारे घडले.....!