नाती

असावी जिव्हाळ्याची

माणसाला नातीगोती

आणेल ती जीवनात

आपल्या प्रेमाची भरती

असावी सोबत त्यांची

क्षणात सुखदुःखाच्या

असावा थोडा आधार

गोड त्यांच्या शब्दांचा

नको ती मला नाती

जी पैशाला किंमत देते

उपकाराच्या ओझ्याखाली

नात्याला ती वाकवते

नातं तेच असते खरे

ज्यात जिव्हाळा असतो

दोन गोड शब्दांचा

ज्यात संवाद असतो

रूसवे फुगवे नेहमी

नात्यात असतात

अधिकाराने एकमेकांवर

खूप रागवत असतात