ऑक्सिजन

झाडे लावा झाडे जगवा

 निसर्ग जेव्हा सांगत होता

तरीही कत्तल चालू होती

माणूस मात्र थांबत नव्हता

 कोरोना वायरस आला

श्वास मग घेता येईना

ऑक्सिजन कमी पडले

जीव तडफडून गेले ना

निसर्गाशी खेळु नका

समतोल तिचा ढासळला

दर शंभर वर्षांने मग येते

महामारीने माणूस कोसळला

पैसा गाडी बंगला नको

कोणीतरी *ऑक्सिजन*द्या ना

प्रत्येक जीव आहे महत्वाचा

आता. तरी घरी थांबा ना

कोव्हिड योद्धा काम करतोय

जीवाची पर्वा करत नाही

त्यांना मदत एकच करा

रुग्णांची भर पडणार नाही

किराणा बाजार रोज मिळतो

दुकाना समोर गर्दी कशासाठी

आपला जीव जास्त महत्वाचा

नियम पाळा आपल्या देशासाठी

विनंती करते सर्व नागरीकांना

घरी रहा व सुरक्षित रहा

तुमची गरज खुप कुटुंबाला

 अवलंबुन आहे तुमच्यावर पहा

पर्यावरणाचे संतुलन राखण्यास

 एकतरी झाड आपण लावू या

हवा, जल, भू, प्रदुषण रोखून

वसुंधरेला हिरवाईने नटवू या