नारीशक्ती

नारीशक्ती, स्त्रीशक्ती

करूणेचा तू सागर

स्नेह, माया, ममतेचा

तूच खरा गं जागर......!!

नररत्नाची खाण तू

तूच गं ईशस्वरूप

निसर्गाचे वरदान

दिले सुंदर ते रूप....!!

तूच जिजाऊ, सावित्री

तूज अहिल्या, रमाई

तूच आजी,कन्या आत्या 

तूच मामी,बहीण आई....!!

नानाविध रूपे तुझी

सहनशीलता,धैर्य

तूच दुर्गा,तू भवानी

नारी तुझे ते औदार्य....!!

फक्त एक दिवस गं

तुझा नको उदोउदो

मनोमनी तुझ्यासाठी

सदासर्वदा प्रेम नांदो.....!!