मोवु को झाड

कामधेनु    कल्पवृक्ष  

आय मोवु जेको नाम |

फल फुल  पान येका  

सब  आवसेती  काम ||१||

फाग चईतमा  येका 

झळ सेती  सब पान |

कुची  लगसे डारीला 

दिसं गुच्छाको समान ||२||

खिल कुची  रातभर  

फुल सकारी सकारी |

पड़ खाल्या टप टप  

बेचसेती   नर  नारी ||३||

फुल खासेत मोवुका

पशु  पक्षी  चावलक |

आदिवासी त्योहारमा

ढर्रा   लेसे   तावलक ||४||

आयुर्वेद    दवासाती 

फुल    येव   बहुगुनी |

रोटी संग  खाती राब

भयी बात आता जुनी ||५||

बनावत    पतराली

येन मोवुको पानकी |

पयलेको जमानोमा

बस  पंगत  शानकी ||६||

पाना मोवुको झाड़का

थंडा   हिरवा   हिरवा |

बैसाखको    तपनमा

देसे   सबला   गारवा ||७||