मोरपंख
मोरपंख
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
200
आयुष्य बहरावे तुला पाहता
तू साऱ्या गोपिकांचा सखा
तुझ्या अवखळ खोड्यांचा
भास होई मज सारखा
डोळे किती बोलके तुझे
वाणी तुझी असे मधाळ
शब्दात गुंतुनी जाती सारे
प्रेमात तुझ्या होती घायाळ
बासरीची धून तुझ्या
ओढ लावी मनाला
विसरून सारे छंद कान्हा
वेड लावी जगाला
मोरपंख तुझे शिकवी
विविध रंगी जीवन
सांभाळावे कसे सख्या
तुझ्यासवे हे यौवन