मनात राहून गेले
मनात राहून गेले
ठरवले एकदाचे कसे बसे
भेटावे तुला कधी एकांतात
इशारा करशी मज काही असा
एका नजरेने वसला तू काळजात
माझ्या भोळ्या मनालाही
वाटे होशील कधी तू माझा
दाटले मनी भावनांचे धुके
नकळत भान हरवेल तुझा
कधी कधी स्वप्नात माझ्या
ओढ तुझीच लागली असते
उणीव भासते तुझी मला
मात्र जवळ तू माझ्या नसते
स्पंदने दोघांच्या हृदयाची
नव भाव सांगून जातो
नाजूक धागा दोन जीवांना
एका प्रेम धाग्यात जोडतो
प्रेमाची परिभाषा कळाली
तुझ्यावर जीव जडल्यावर
क्षणोक्षणी कासावीस करणारी
चाहूल तुझी मला लागल्यावर
सांगावेसे वाटते खूप काही
वेड तुझेच मला लागले
प्रेमाच्या धुंदीने नकळत
शब्दच मनात राहून गेले