मनाच्या धुंदीत

नयन भेटता तुझ्या नयनास

प्रित रंगली मनाच्या धुंदीत

सप्तसुरांचे मंजुळ गाण

अवतरले ओढी गोडीत//१//

रात्र लख्ख चांदण्यांची

महफील भरली संगीताची

सुरात सुर मिसळत आली

रात्र ही नवधुंद मनाची//२//

लाट वा-याची उसळली

झोंबून तनमनाला गेली

रातराणीच्या सुगंधाने

जादूगरी माझ्यावर केली//३//

झाले फुलपाखरू राया

मन धुंदीत होऊन भिरभिरले

भिनला अंतरंगी प्रितवारा

शोधण्या पराग वेडावले//४//

यौवनाच्या हिंदोळ्यावर

झुलू राजसा आनंदाने

हात हातात घेऊन 

स्वप्नात रंगुया दोघाने//५//