मन प्रितीत फुलले

माझ्या प्रितफुला प्रिया

मन प्रितीत फुलले !!

भासे मजला गुलाब

प्राण माझे वेडावले!!

मज आवडे गुलाब

तुझ्या प्रितीत सख्यारे!!

तुजवीण कसे राहू

माझ्या प्रियतमा अरे!!

रंग गुलाबाचा प्रिय

तुझा माझा सहवास!!

खुले पाकळी अंतरी

सख्या तूच वाटे खास!!

गुलाबाचे काट्यातले

असे गोड ते रहाणे!!

मला ही सतावतात

तुझे फसवे बहाणे !!

नको असारे दुरावा

तुझी प्रिय सखी राधा !!

कृष्णलीला करतोस

नको प्रेम अशी बाधा!!