लाइब्रेरी
प्रोफाइल
मित्रा परतुनी यावे
मित्रा परतुनी यावे
1 min
176
मित्रा यावे परतुनी
आस माझ्या मनाची
अश्रु ओघळी नयनी
ही आर्त हाक मनाची
एकमेकांचे सोबती
सदैव असो एकत्र
का घडले अघटित
काही न कळे मात्र
असे कसे हे घडले
काही समजले नाही
क्षणात बदले चित्र
विश्वास बसला नाही
अचानक या जाण्याचे
काही कळलेच नाही
राहिलो मी एकटाच
कुणी सोबती नाही
निसर्गाच्या चक्रापुढे
कुणाचे काही नसावे
तरीही मजला वाटे
मित्रा परतुनी यावे
