मी सहज पाहिले वळूनी आयुष्याला

मी सहज पाहिले वळूनी आयुष्याला

एक अर्थ विखुरला होता 

उसवल्या रोज आठवणी त्यास शिवताना

तो भागही विरला होता

मी सहज पाहिले वळूनी आयुष्याला

प्रती वळणावरती जखम खुणा त्या ओल्या

परी घाव विसरला होता

मी सहज पाहिले वळूनी आयुष्याला

त्या ओंजळ भरल्या सुखास मी पहाताना

तो क्षणही भारला होता

मी सहज पाहिले वळूनी आयुष्याला

हा काळ म्हणे दुःखास वजन करतांना

की भाव घसरला होता

मी सहज पाहिले वळूनी आयुष्याला

लेखणीला हे जीवन ही ना पुरले

पोरका शब्दच उरला होता

मी सहज पाहिले वळूनी आयुष्याला....