महिन्याकाठी 100 कोटी
महिन्याकाठी 100 कोटी
प्रजासत्ताक म्हटले पण
प्रजेची सत्ता आहे कुठे
सार्थकोटी सत्तेसाठी येथे
वखवखलेली आहेत भुते
शंभर कोटी महिन्याकाठी
राजरोसपणे मागतात
दीनदुबळ्यांचे हात मात्र
सत्तांदासाठी राबतात
लोचट मेले मंत्री झाले
खुर्ची पायी हे सारे मिंधे
सज्जन सालस लोकांचे
मात्र न दिल्यामुळे होतात वांधे
भ्रष्टाचार झालाय शिष्टाचार
त्याला कसा द्यायचा नकार
दामाजी पंत नाही खिशात
फुकटची नाचते कोंबडी तमाशात
जनतेची कामे होण्यासाठी
द्यावा लागतो पैका
त्याशिवाय सरकारी माऊस
पुढे सरकत नाही बर का
26 जानेवारीला मात्र पदके
आणि मेडल लावायची
करून सलाम झेंड्याला
स्वातंत्र्याची गाणी म्हणायची