महिमा स्वातंत्र्याचा
महिमा स्वातंत्र्याचा
स्वातंत्र्य भारताचा
महिमा वंदितो *अंतरी,*
तुज पुजिले आता
केले प्रेम मी *राष्ट्रावरी.*
सह्याद्री हा बोलतो
जयजयकार *क्रांतीचा,*
फडकला तिरंगा
माझ्या प्रिय *हिंदुस्थानचा.*
रणांगणी भिडला
अन्याय दूर *होण्यासाठी,*
शूर शिपाई माझा
हर वार *झेलण्यासाठी.*
भाग्य लाभले मला
जन्मलो या *मायभूमीत,*
पूर्व जन्माचे पुण्य
किती घालू मी *दंडवत.*
स्वराज्य रक्षेसाठी
रक्त वीरांनी त्या *सांडले,*
मुक्त केल्या शृंखला
पारतंत्र्यातुन *सोडले.*
स्वातंत्र्याचा तो हक्क
शुरानी असा *मिळविला,*
देशभक्तीच्या पायी
रक्तात तिरंगा *पाहिला.*