महागाई

रोज नवी महागाई जगण्यात आहे 

मजा तर तिला तोंड देण्यात आहे 

भरतात वेडे खिसे फाटेपर्यंत काही 

आनंद खिशात नसताना घेण्यात आहे 

जाहिराती बारा आण्याचा मसाला 

शौर्य कोंबडी शिजवण्यात आहे 

डिझेल, पेट्रोल पंक्चर महाग झाले 

धुंदी खरी मूठ पिळण्यात आहे.. 

रक्त आटून मातीत पिकवतात ते 

कंजूषी भाजीपाला घेण्यात आहे... 

आता मेट्रोचा प्रवास महाग जाहीर येथे 

स्वस्त मरणे खेड्याच्या रस्त्यात आहे.