मावळती (सुर्यप्रकाश)

क्षितिजात लूप्त होणारी

का मावळती आवडते

मंद मंद हवा ती

गालाला हळू स्पर्शते

नकळत मन मग

कशामुळे शहारते

असे का ग होते...

त्या कातरवेळी

केसांची बट ती

गालाचे चुंबन घेते

लडीवाळ पणाने मग‌ मी

उगीच मागेे लोोटतेे 

असे का ग होते...

त्या कातरवेळी

आरशात रूप न्याहाळता

उगीच लाज डोळ्यात दाटते

जवळ कुणी नाही तरी

गालावर लाली चढते

असे का ग होते...

त्या कातरवेळी

फुलपाखरासम मन

अलगद उडू लागते

कुठेतरी एकांतात

कशाा हरवून जाते

कुणाची ग अनामिक

ओढ मना लागते

असे का ग होते...

त्या कातरवेळी