मानवता धर्म

मानवता धर्म | जगी आहे श्रेष्ठ ||

नको निती भ्रष्ट ठेव ध्यानी | १||

पशुपक्ष्यावर | करा सदा प्रेम ||

नाही कधी | नेम माणसाचा || २||

माझे माझे सोड | धर सेवाभाव ||

नाही का रे ठाव | आयुष्याचा ||३||

दया कर सदा | ओळख भुकेला |

ह्या माणुसकीला | जप जरा ४||

नको दुःख देऊ | कोणत्या जीवास |

ठाऊक देवास | असे सारे ५||

जगाची मनाची | ठेव लाज थोडी ||

संसरात गोडी | वाढेलच ||६||

आचार नेटके | संस्कार पेरावे |

तेच उगवावे | नव्या पिढी ||७||

भुकेलेल्या अन्न | तहानल्या पाणी ||

निस्वार्थ भावांनी | सेवा करा ||८||

पुजा मायबाप | कल्याण होईल ||

पुण्य हो मिळेल | आपोआप ||९||

गुरु जगी थोर | आशिर्वाद देती |

गुरूची महती | भुलू नये||१०||

मिनु म्हणे आता | जप मानवता ||

सांगे जाता जाता | जीवनात ||११|||