माणूस?

मी माणूस म्हणू स्वतःला

       की लाज वाटून घेऊ

मी दंभ करू ह्याचा

       की दांभिकेतेने पाहू?

महाभारतात जे घडले

       पतन तयांचे झाले

कलियुगात अब्रू ची लक्तरे

      उघडी का मग पडले?

रामायणतील पितृभक्ती

       बंधू प्रेमाची महती

क्षुल्लक राग,लोभाने

     विभक्त का सारे होती?

शौर्य, त्याग, बलिदानाने

      लढा देशप्रेमाचा लिहला 

स्वार्थाने बरबटलेली

    पिलावळ का येती जन्माला?

 

जगणं मुश्किल गरीबीचं

       विषमतेची खोल दरी

माणूसच येथील सैतान

     का माणुसकी ची कूस मारी?