माणसा
माणसा
माणसा माणसा माणूस तू बन || धृ ||
का करतोस एखाद्याचा उगाच अपमान
स्वतःला समजूनी महान
इतराला समजूनी लहान
फक्त पाहिजे तुजलाच मान
माणसा माणसा माणूस तू बन || १ ||
किती बनशील तू स्वार्थी
उगाच पुजूनी पाषाण मूर्ती
नकोस विसरू प्रत्येक कर्माचा हिशोब वरती
नको करूस पापमय ही धरती
माणसा माणसा माणूस तू बन || २ ||
कुठेे गेली तुुुझी भारतीय संस्कृती
दाखवायलास तुझ्यातली विकृती
मरून गेली वाटतेे तुझी मती
म्हणूनी करायलास तू अति
माणसा माणसा माणूस तू बन || ३ ||
शिरली आता तुझ्यात राक्षसी प्रवृत्ती
आपोआप दूर झाली मानवी वृत्ती
नात्यांची दिली जाते तिलांजली
औपचारिकतेेसाठी उरली श्रद्धांजली
माणसा माणसा माणूस तू बन || ४ ||
ठेव थोडं परिस्थितीची जाण
नको हरवूस तू भान
नको होवूस उगाच बेभान
फक्त सांभाळ आपलं अतृप्त मन
माणसा माणसा माणूस तू बन || ५ ||
करशील तू व्यसन
गोरगरिबांना लुटून
मग असंच वाया जाईल हे धन
कारण ईश्वराला होत नाही ते सहन
माणसा माणसा माणूस तू बन || ६ ||
बोलून मधाळ
हाणतो तू गबाळ
नकोस दाखवूू सत्तेचा तू माज
नाही कुणीही अमर आज
माणसा माणसा माणूस तू बन || ७ ||
अधिक चांगलं वाग
अधिक चांगलं जग
बदल तुझा दृष्टिकोन
मग माणुसकीचं नक्कीच होईल जतन
माणसा माणसा माणूस तू बन || ८ ||