मांडो रोटी (पोवारी)
मांडो रोटी (पोवारी)
मांडो रोटी पयलेकी
होती पोवारीकी शान |
ओको पाहुणचारको
समाजमा होतो मान ||१||
जब मामाजी आवत
मुलाखातलाई गाव |
माय उनला परसं
मांडोरोटीकोच ठाव ||२||
चुर माय कणिकला
जोरलका पिटस्यानी |
एकजीव कर लोया
होय रबरको वानी ||३||
हांडी मंडाव पालथी
आच वालो चुलोपर |
लोया लहान लहान
फिरावती हातपर ||४||
होती पातर पातर
मंग हांडी पर टाकं |
जल्दी काहळं काहेकी
रव्ह जरे मुन धाकं ||५||
आंबारस, दुध घीव
गुळ,साखरको पानी |
मांडो रोटीसंग खात
लग अमरुत वानी ||६||