लाइब्रेरी
प्रोफाइल
माझ्या आईचे काय होईल
माझ्या आईचे काय होईल
1 min
341
मी मरायला घाबरत नाही
पण एक खंत मनी राहील
मी गेल्यावरी माझ्या
आईचे काय होईल
क्षणभर विलंब जरी झाला
मजला घरी परतायला
कावरीबावरी होऊन
जाते मला शोधायला
शेजारांच्या फोनावरुन
कोणाला फोन लावील
मी गेल्यावरी माझ्या
आईचे काय होईल
असो कितीही आजारी ती
मला कळु देत नाही
मला साधा ताप जरी आला
तरी तिला करामत नाही
निःश्वास पडलेला देह माझा
सांगा कसा पाहील
मी गेल्यावरी माझ्या
आईचे काय होईल
आई ... !
तु माझ्यासाठी खूप काही केलंस
पण मी काही करु शकलो नाही
तुझ्या नेत्रातुन वाहणाऱ्या बघ
आसवांनाही रोखु शकत नाही
मी नसताना हुंदके देऊन
तिचा ऊर भरुन येईल
मी गेल्यावरी माझ्या
आईचे काय होईल
