लाइब्रेरी
प्रोफाइल
माझा कुणा म्हणू मी
माझा कुणा म्हणू मी
1 min
144
कसा वादळाने घणाघात केला
किती पावसा नाच दारात केला
अता ओळखीचे कुणी राहिले ना
गुलाबी फुलाने कसा घात केला
सुरा आपल्यांच्याच हातात होता
उरी वार त्यांनी धुक्यात केला
छळे वेदना ही मला अंतरीची
सुगंधी दवेने मला वात केला
तुझा चेहरा ओळखीचा मलाही
कसा अंत एकाच वारात केला
कुणाला म्हणावे इथे आपले मी
कसा मोगर्‍यानेच आघात केला
जपावे कसे मी इथे काळजाला
उभा नाच त्यांनी स्मशानात केला
