कष्ट

कष्टात हरवली जिंदगी सारी

नाही अटला घाम माथ्याचा माथ्यावरि

बघतो दररोज सूर्याकडे सांजवेळी 

कधी मावळून उगवेल गरिबिवरी

राहिलो उपाशी अनेकदा अर्ध्यापोटी

पसरली ना झोळी होऊन भिकारी

लाथाडले सर्वांनी बघून गरिबी

 कधि झूकलो ना कोणाच्या पायावरी

लहानाचा मोठा झालो ,

रुसलो न आजवर कोनावरी

लोक बघून हसतात अजला

माय बाप पोसतात लहान लेकरापरि

मी साहेब होणार म्हणून

 साकडे कित्येक देवावरी

तरायचे तर तूच तार रे आत्ता

उजाळा दे थोडा माय बापाच्या कष्टावरी

परीक्षेला जाता कित्येक

स्वप्न मायबापाच्या उरी

कशे समजावे त्यांच्या कष्टाला

 घोटाळा करतेय इथे यंत्रणा सारी

आज स्वप्नाचा होतय खेळ

माजली असेल जरी अहंकारी

मी पेटेल नव्याने अजून

ही जिद्द नाही हरणारी