नाते प्रेमाचे
नाते प्रेमाचे
असतात म्हणे प्रेमात खूप वेदना
अजून एक सल उरी बाळगून पाहू
कुठ वर चालणार एकटाच तू
सोबत दोन पाऊले टाकून पाहू
होकार जरी दोघांचा नसेल तरीही
शब्द एकमेकांचे हृदयात जपून पाहू
प्रेम नाही आपले सांगितले जरी तू
एकमेकांवर जरासे मरून पाहू
कितीदा चिता पेटल्या जिवंत अग्निवर
जरासे प्रेमात जळून पाहू
दररोज शब्द आले ओठी तुझे न माझे
विसरून जगाला थोडे जगून पाहू

