कसे( प्रेम कविता)

अधीरतेला आता रोखावे कसे ?

सांग मी कुठवर थांबावे असे ||धृ||

अलगद घेऊ दे, हात तुझा हाती

धडधड कसली अन कसली भिती ...

मला जे होते , तुला होते का तसे ?

सांग मी कुठवर थांबावे असे  ||१||

हाती हात घेता, शरमेने तुझे ते लाल होणे

स्मित थोडेसे ओठी, अन खळीचे गाल होणे.

आडोशाचे गीत कोणास , ऐकु जाणार कसे ?

सांग मी कुठवर थांबावे असे ||२||

श्वासांची धावपळ तुझ्या, स्पष्ट ऐकु आली .

बोटांची बोटांशी सलगी खूप झाली ...

ओठांनी ओठांना मग टाळावे कसे

सांग मी कुठवर थांबावे असे ||३||

एक एक बंध, विलग होऊ लागले

आडोशाचे ठिकाण इमानेइतबारे वागले ..

अधीरतेला आता रोखावे कसे

सांग मी कुठवर थांबावे असे ||४|