करू नको घात...
करू नको घात...
करू नको घात...
दे हातात हात माझ्या
करू नको सखे तू घात।
प्रेमामध्ये कशाला गं
आड येते जात-पात?।।
मी खरा प्रियकर तुझा
तुझेही आहे प्रेम मजवरी।
केला का दुरुपयोग तुझा
मी गं सांग ना आजवरी?।
राहशील मजकडे तू
नित्य प्रिये सुखात
प्रेमामध्ये कशाला गं
आड येते जात-पात?।।
प्रभात समयी नित्य नेमाने
स्मरण करतो तुला।
तुझ्यासाठी असेल कधीही
माझ्या हृदयाचा दरवाजा खुला।
सौंदर्याने तुझ्या गं माझ्या
हृदयावरी केली मात।
प्रेमामध्ये कशाला गं
आड येते जात-पात?।।
प्रेम असूनही लपवतेस
सांग अशी तू का करतेस?।
नकार देऊन माझ्या प्रेमाला
माझ्या हृदयाशी खेळतेस।
नक्की सखे काय आहे
सांग तुझ्या मनात?।
प्रेमामध्ये कशाला गं
आड येते जात-पात?।।