कहर पावसाचा

धुमाकूळ पावसाचा 

जीव गेला अनेकांचा, 

आले महाप्रलय हे 

ऊठे सूर आक्रोशांचा. /१/ 

कुठे दरड कोसळे 

तर कुठे महापूर,

दिसे सावट दुःखाचे 

येई रडवेले सूर. /२/ 

गेले पुरात वाहून 

तामझाम संसाराचे, 

होते नव्हते संपले 

खेळ सारे नशिबाचे. /३/

पावसाच्या तडाख्यात 

पशुपक्षी हरपले, 

बळी घेतला सर्वांचा 

का हे दुष:कृत्य झाले /४/ 

ताटातूट जीवनांची 

शोधे मन स्वकीयांना, 

पावसाच्या कहराने 

हाक मारे आप्तीयांना. /५/