आजच्या पिढीचे संस्कार
आजच्या पिढीचे संस्कार
संस्कारांचे देणे लाभले आम्हाला
तेच आम्ही समर्पित केले मुलांना
पण काळ आजचा फार बदलला
तंत्रज्ञानाचा नाद लागला तयांना.
आपले संस्कार लोप होत आहेत
पश्चिमी शैलीचा प्रभाव खूप वाढला
आपली परंपरा निकालात काढली
परकियांचा प्रभाव पिढीवर पडला.
आत्म मतलबी वृत्ती पिढीत दाटली
नाते संबंध किटकीट वाटे तरुणांना
विभक्त कुटुंबामुळे ते घडले असावे
आई वडिल साथ नको वाटे तयांना.
थोरां मोठ्या मान सन्मान विसरली
घरचे खाणे बेचव, हॉटेल जाणे सुलभ
रिती रिवाज बुरसटलेले विचार समजे
आपुलकी माया झाली खूपच दुर्लभ.
पैशाने आज सर्व विकत घेता येत असतं
पण मूर्खांना कळत नाही ऋण फेडणे
सेवा सुश्रुषा म्हातारपणी काळजी करण्याऐवजी
तयांना वृध्दाश्रमी पैसे भरून सोडणे.