कधीकधी

कधी असतोस

कधी नसतोस

कुठंही असतोस

तरीही नसतोस

तरीसुद्धा तू मात्र असतोसच

कधीतरी कुठल्याश्या कारव्यात

नाहीतर त्या मारव्याच्या मळ्यात 

कधी करतोस धुंद 

तर कधीकधी गारव्यात गार गार

कधी ऊन बनून येतोस

एखाद्या तिरपेतून तर

कधी येतोस पाऊस बनून थेंबाथेबातून

कधी येतोस शब्द बनून तर कधी भावना बनून काळजातच घर करून राहतोस

कधी प्रेरणा बनतोस तर कधी साधना

कधी रंग होतोस तर कधी तरंग

या क्षणाला इथं तर त्या क्षणाला तिथं 

तरीसुद्धा तू मात्र असतोसच

कधी इथं तर कधी तिथं