कधी तू

कधी तू आपुलकीचा भाव

सुखस्वप्नातला माझा गाव

   कधी तू खळखळता झरा

   आनंदाने ओसंडून वहा जरा

कधी तू भासे थंडगार वारा

श्रावणसरींच्या सुखद जल धारा

   कधी तू मोहक सुगंध मोगऱ्याचा

  रातराणीच्या प्रेमात भुललेल्या ताऱ्यांचा

कधी तू मऊ अशी दाट हिरवळ

प्रेमाच्या झुळूकेचा मोहक दरवळ

   कधी तू मंजूळ नाद बासरीचा

   राधिकेच्या मनातील मूर्तरूप हरिचा

कधी तू एक क्षण माझ्या विसाव्याचा

जगण्यातील अनमोल अशा श्वासाचा

   कधी तू थांग अथांग सागराचा

   मनात साठलेल्या असंख्य जागराचा

कधी तू कारण माझ्या मनमुराद हास्याचा

तर कधी पापणीत विरघळलेल्या अश्रूंचा