कधी कळणार तुला

कधी कळणार तुला

माय बापाची महती

पाणी रक्ताचं करून

घास  तुला भरवती

कधी कळणार तुला

तुझ्या आईचं हृदय

दूर कामासाठी गेली

तिथं काढी तुझी सय

कधी कळणार तुला

एका क्षणाची किंमत

निसटला क्षण  पुन्हा

आणण्याची ना हिंमत

कधी  कळणार तुला

सैनिकांचे  उपकार

त्यांच्या जीवावर तुला

घरी झोप लागे गार

कधी कळणार तुला

घास कोण पचवतो

शांत झोपवितो तुला

कोण  रोज उठवतो

कधी कळणार तुला

तुझ्यातील प्रेमगंगा

अतरंगी  डोकावून

आळवावे पांडुरंगा