जीवनदायिनी
जीवनदायिनी
गाईचा राखतात मान
बाईचा मात्र अपमान
संस्कृती आहे कुठली
मिळतात छळणारे बाण.
सर्वस्व वाहून जीवनाचे
फुलवते संसाराचा मळा
रंग भरते आनंदाचा
पण तिच्याच नशिबी कळा .
सहन करून सगळे
संसाराचा बनते पाया
झिजून झिजून जगताना
बदलून जाते काया.
जीवनदायिनी सगळ्या विश्वाची
दुर्लक्ष करते स्व- इच्छांना.
गृहसौख्य हेच असते
ठाऊक तीच्या निष्ठांना.
कष्टदायी मानत नाही
आनंदी भाव खरा
तिच्या डोळ्यात असतो
नेहमी वात्सल्याचा झरा.
स्रीच असते आधार
सगळ्या मानवी समाजाचा
तिच्याच हाती असतो
अधिकार नव निर्माणाचा.