जीवन

*डोळ्यातून वाहणारे धारोष्ण पाणी*

*कोणत्या दुःखाची आहे निशाणी*

*कितीदा तरी झालेल्या पडझडीतून* 

*कोणती पडझड सलते मनी*

*आयुष्याचा प्रवास अविरत चाले*

*अनोळखी आणि अवचित वाटेवर*

*फेसाळलेल्या तुफानी समुद्रात जशी*

*नौका दोलायमान होते लाटेवर*

*वरून दिसे आलबेल सारे*

*आतल्या मोडतोडीचे उत्तर काय*

*दुःखाचे कड आतल्या आत*

*वर वर हसणे वाढत जाय*

*जीवन आहे वाहणारी नदी*

*वेदना असते अबोल राहणारी*

*शांत राहून सतावणारी*

*गोठलेली जलधारा मूकपणे वाहणारी*

*कर्तव्याच्या वाटेवर सावरावं लागतं.*

*मोहाला दूर सारावं लागतं*

*झाले गेले सोडून देऊन*

*ओठावर हसू आणावं .*