डोळे

आपले डोळे सांगतात

आपलं रात्र भर जागणं

अपूर्ण राहिलेल्या स्वप्नांना

डोळे उघडे ठेऊन बघणं

डोळ्यांची उघडी कवाडे

बघत असतात छताकडे

कितीतरी अनुत्तरीत प्रश्न

उत्तर मागतात स्वतः कडे

कधी डोळे होतात ओले

तर कधी होतात कोरडे

बऱ्या झालेल्या जखमांचे

दिसतात नजरेस ओरखडे

काळजाची व्यथा असते

दुःख डोळ्यांना होते

शब्दांच्या पलीकडले अर्थ

अश्रूंची भाषा सांगते

डोळे मिटले तरी

प्रश्न संपत नसतात

पापणीच्या आत अश्रू

मूकपणे वाहत असतात.