जीवलग

मुक्त भावनेचा वारु चौखुर उधळतो

आपुलकीचा सुगंधी  मोगराही फुलतो

निस्वार्थ,निस्सिम सदा प्रेमझरा वाहतो

जीव जडतो जेथे तो जीवलग असतो

 

न दिसता कुठे तो कासावीस होई मन

हक्काने करुनी त्रस्त ठरलेले भांडण

रुसवा,फुगवा विसरुनी पुन्हा मिलन

जीव जडतो जेथे तो जीवलग असतो.

 

प्राणापरी प्रिय जीव हा त्याच्यात गुंततो

मित्र-मैत्रीणी,बहीण-भाऊ कुणीही असतो

माता-पिता, छंद,ध्येयात हा गुरफटतो

जीव जडतो जेथे तो जीवलग असतो.