🌳 झाडे लावा झाडे जगवा..🌳

हिरव्या घनदाट वनराईंची

  बेछूट कत्तल केलीस तू

    पैशांसाठी सिमेंटची जंगलं

      उंच-उंच वाढवलीस तू

 

डेव्हलपमेंटच्या बँनरखाली

  जंगलं ओसाड पाडलीस तू

    सपाट करून डोंगर त्यातून

      स्वतःचीच झोळी भरलीस तू

 

हिरव्यागार जंगलांमुळे कधी

  मुसळधार पाऊस पडत होता

    नदि नाले ओसांडून वाहून

      पाण्याचा साठा वाढत होता

 

परिस्थिति आज बदललीय

  सगळी ओसाड पडलीत गावं

    मग पाण्यावाचून शेतकर्यांनी

      सांगा कसं हो पोट भरावं

 

भर उन्हाळ्याच्या दिवसात

  इथे मैल-मैल पाणी नसतय

    आपल्याच माता-भगिनींच

      आज भविष्य धोक्यात दिसतय

 

जर रागवला तो दिनकर

  तर भयंकर हानी होईल

    वाढत्या उष्ण तापमानाने

      इथे जगणे मुश्किल होईल

 

उष्मा ओकेल सूर्य जेव्हा

  रानं -वनं करपून जातील

    क्षणभरश्या विसाव्यासाठी

       हिरवी झाडं कुठेच नसतील

 

जबाबदारीने प्रत्येकाने निदान

  दोन झाडं लावून जगवा

    माती, पाणी, कुंपण घालून

      त्यांना मुलांसारखं वाढवा

 

तेव्हा अपुली धरती पुन्हा

  सुजलाम् सुफलाम् होईल

    डोंगर दरी कड्या कपारी

      हिरवा शालू पांघरतील