जेव्हा पाऊस तुझ्यावर पडतो...
जेव्हा पाऊस तुझ्यावर पडतो...
जेव्हा पाऊस तुझ्यावर पडतो ,
काळया तांबड्या केसातून ठिबकणारा थेंब ,
ओघळत गालात हसत असेल ,
कदाचित तोही म्हणत असेल ,
मी बरसलो नसतो तुझ्यावर तर ,
सांग का ? बरसलो असतो ...
जेव्हा पाऊस तुझ्यावर पडतो ,
अशी चिंब भिजतेस तू पावसात ,
वाऱ्यावर उडणारी ओढणीही तुला लपेटून घेते ,
कदाचित या नितळ कायेला ,
दृष्ट न लागो पावसाची म्हणत ,
वाऱ्याशीही कट्टी करते ...
जेव्हा पाऊस तुझ्यावर पडतो ,
आडोसा ही हाक देतो दुरून ,
नको ग ओली चिंब होऊच अशी ,
पाऊसच तो ना त्याचा भरवसा ,
कदाचित गुज ही त्याच्या मनाची ,
विश्वास ठेव आधार देईल तुजला ,
हा कोरडाच आडोसा ...
जेव्हा पाऊस तुझ्यावर पडतो ,
वाहणाऱ्या लोटात तो वेडा गंध मिसळतो ,
वेडा जीव हा माझा वेडावुन ,
तो तिच्या चेहऱ्यावर पडतो,
ओठातून जेव्हा तू चाखते त्यास ,
गोडवा पाण्याचा गालावर येतो ,
कदाचित हरखुन जातो तो तुझ्या खळीत ,
थेंब गुलाबी दवासारखा तो लखलखतो ...
जेव्हा पाऊस तुझ्यावर पडतो ,
विसरतो तो पाऊस आहे ,
आठवणीत त्या बेभान हरवतो ,
क्षण तो जगण्या साठवून ठेवण्या ,
बरसतो बरसतो आणि बरसतच जातो ,
कदाचित तू पुन्हा त्याला न भेटशील या भीतीने ,,
पुन्हा पुन्हा गरजतो ,
मुसळधार बरसतो ,
मुसळधार बरसतो ...
जेव्हा पाऊस तुझ्यावर पडतो .