लाइब्रेरी
प्रोफाइल
जाता जाता पावसाने मागे वळून
जाता जाता पावसाने मागे वळून
1 min
443
जाता जाता पावसाने
मागे वळून पाहिले
हरवलेले गीत त्याचे
तेथेच होते राहिले
ती होती गर्भारशी
नेसली हिरवा शालू
या सुगीत लेकरांना
पोटभर जेवू घालू
याच आशेने त्याने
तिच्याकडे पाहिले
जाता जाता पावसाने
मागे वळून पाहिले
धुंद गंध मृतिकेचा
भरून हृदयी राहिला
टिपे गाळीत नाचताना
मोर येथे ची पाहिला
आसवां साठी त्या पुन्हा
कुतूहलाने पाहिले
जाता जाता पावसाने
मागे वळून पाहिले
भेट आणि विरह व्यथा
दोन्हीही भाव सोसताना
पाहिले त्यालाच येथे
रात्रंदिन बरसताना
पुनर्भेटीचे वचन घेऊन
दोघेही उगा राहिले
जाता जाता पावसाने
मागे वळून पाहिले
