लाइब्रेरी
प्रोफाइल
गुन्हा झाला (गझल)
गुन्हा झाला (गझल)
1 min
48
मौन मी पाळले गुन्हा झाला
घाव मी सोसले गुन्हा झाला
बोलबाला सदा असत्याचा
सत्य मी मांडले गुन्हा झाला
का मला तू दिला दगा साकी
प्रेम मी वाटले गुन्हा झाला
काय होत्या चुका गुलाबाच्या
कंटका पोसले गुन्हा झाला
पावसा पावसा कुठे गेला
शेत मी पेरले गुन्हा झाला
आज मोठे शहर सुने वाटे
गाव मी सोडले गुन्हा झाला
खूप मी भांडलो हवेसाठी
श्वास मी घेतले गुन्हा झाला
