गुढीपाडवा

संकल्प आपल्यातील हा

नवीन वर्षात सामावू

मनामनातील द्वेष आपुल्या

मनातूनच निजवू !! धृ !!

वर्ष आपुले परंपरेचे

वर्ष हे मराठ्यांचे

नाही कधी कोणास कळले

मर्म हे मराठ्यांचे !! १ !!

वसंताची ही पहाट न्यारी

त्यावर कोरोनाची स्वारी

घरात अडकून पडलो आम्ही

तरीही सणांची आम्हास गोडी !! २ !!

मन भरून आज आम्ही

एकमेकांस विचारतो

धावपळीच्या जीवनात आधी

आता आम्ही एकमेकांस शोधतो !! ३ !!

गुढी उभारू देवाची

कार्याची व तत्त्वांची

कर्तव्यनिष्ठ राहू 

आपल्या मातृभूमीशी !! ४ !!

कार्याची घ्या उंच उडी

सोबत कर्माची ही काठी

सोनपिवळा स्पर्श

मंगलमय बनवा ही नाती !! ५ !!

वात्सल्य, ममता, नवं चैतन्य आणा

हितसंबंध नवे घरपण आणा

सहवास लाभला या दिवशी आपणास

मराठी माणसांचा हा सण आला

मराठी माणसांचा हा सण आला !! ६ !!