गुढ मनाचे

मन माझे गुंतले तुझ्यात 

न कळे त्यास बंध प्रेमाचे 

आज ही शोधतो तुज मनात 

न कळे मज गुढ मनाचे 

हाक दिली तुज मनाने 

गहीवरला माझा जीव 

बेचैन झालो तुझ्या प्रेमाने 

नाही तुला जीवाची कीव 

भाव मनाचे दबले मनात 

न केले मन माझे मोकळे

जीव जडला तुझ्या प्रेमात 

मज वाटे सारे जग निराळे 

अश्रुंनी उघडले दार मनाचे 

निशब्दांनी केले घातक वार 

तुझ्याविना कोण या मनाचे 

न समजून घेई हे सर्व सार 

मनाच्या कुशीत लपले शब्द 

न जानती भाव या हृदयाचे

सारे जग होई जागीच स्तब्ध 

तरीही न समजे गुढ मनाचे