Library
Profile
गोविंयेंलें देवें आम्हांसी
गोविंयेंलें देवें आम्हांसी
1 min
13.8K
गोविंयेंलें देवें आम्हांसी अभिमानें ।
नामरुप पेणें अंतरलों ॥१॥
करिती विचार इंद्रादी देव ।
हें सुखवैभव न मिळे आम्हां ॥२॥
शेष उष्टावळी मिळतां आम्हांसी ।
पावन जन्मासी होऊं आम्ही ॥३॥
ऐसा विचार करुनियां देव ।
मत्स्यरुप सर्व धरिताती ॥४॥
गोपाळासी सांगे वैकुंठीचा रावो ।
आजी नवलावो तुम्ही करा ॥५॥
कवळ खाउनी हात टिरी पुसा ।
यमुनें सहसा जाऊं नका ॥६॥
कां तो सांगे हरी न कळे तयासीं ।
एका जनार्दनासी गुज पुसे ॥७॥
