घटस्फोट

जुळून येतात योगानुरुप ऋणानुबंधाच्या गाठी

वचनं दिली जातात एकमेकांना आयुष्यभरासाठी

प्रत्येकाची असतात वेगवेगळी मतं

विश्वासावरच टिकतं कुठलंही नातं

असले मतभेद तरी मनभेद नसावा

आयुष्याचा आरसा कायम स्वच्छ असावा

शोधायचा असतो क्षणाक्षणाला आनंद

जसा भ्रमर शोधत येतो फुलातला मकरंद

घ्यावा कधी कमीपणा नातं टिकावं म्हणून

मिळत नाही सुख खोटं हास्य चेहऱ्यावर आणून

तुलनेनं सुधारत नाही जोडीदाराचा स्वभाव

साथ द्यावी भक्कम, नको समजूतदारपणाचा अभाव

हस्तक्षेपाने इतरांच्या जातो नात्याला तडा

घटस्फोटाने उलगडत नाही संसारातला तिढा