लाइब्रेरी
प्रोफाइल
घराच्या भिंती...!
घराच्या भिंती...!
1 min
10
घराच्या भिंती
असाव्या स्नेहाने लिंपलेल्या
नको सजलेल्या
शोभेने...!
अज्ञात प्रीतीच्या
असतात लपलेल्या खुणा
माणसाला आकळेना
कसे...!
असती उभ्या
भिंती काटेकोर चाकोरीत
कधी इमल्यात,
झोपडीतही..!
हल्ली भास
हसण्याचे दिसतात भिंतीत
वैभवी दिखाव्यात
माखुन...!
अंतरात भिंतीच्या
असते कळ वेदनेची
कोवळीक उन्मादांची
शल्येही...!
घराच्या भिंतीत
विलेपित सुखे कशाला?
गंध वेगळा
मातीचा...!
सारे असूनही
वाटे अभाव कसला
दबाव असला
भिंतीचा...!
सौ.प्रज्ञा घोडके,चिंचवड,पुणे©®
'अंतरीच्या खोल डोही' तून...
