देशील का देवा माझी आई परत?

नातं असे तिचं माझं

हृदय आणि श्वास

आठवण येता तिची मला

अडतो प्रत्येक घास||धृ ||

उपकार तिचे अनंत

फेडू कसे पांग?

त्यासाठी तरी तिला

एकदा यायला सांग!||1||

मायेची ऊब मिळत नाही आता

माहेरपण सुने वाटे माहेरघरी जाता

हवा आहे आजही तिचा मायेचा पदर

थंडीतील कूस तिची ऊबदार अशी चादर||2||

आईचा आशीर्वाद नेहमी असे पाठी

अवघे जीवन समर्पित माझे तिच्या विचारांसाठी

कधी घडतील देवा आमच्या भेटीगाठी

होईल मी पण तिच्या आधाराची काठी ||3||

आई म्हणजे ईश्वराचं देणं

ऐक देवा फक्त आता माझं एक मागणं

करशील का रे एकदा आमच्या भेटी गाठी 

पुन्हा एकदा जन्म मिळो फक्त तिच्याचं पोटी

पुन्हा एकदा......||4||