दांभिकता

कितीदा नव्याने गळाभेट घ्यावी किती पेटवावी उराशी प्रभा 

दया याचनांचे भिकारी बनुनी किती वेळ तोलावयाची सभा 

मनाजोगते काय आहे कळेना मनाला कशाची हवी साधना 

उरी पेटतो दाह खोटेपणाचा पुरे आवरा सभ्य ढोंगीपणा 

रुजे अंश मातीत दांभिकतेचा नि दगडास केले दयाचे धनी 

कसे कोण जाणे सभोवार होते अशिक्षित ज्ञानी कुणाचे कुणी 

असे देवभोळे शहाणे मिळाले विधाने चुकीची किती माळली 

रडे देव आता खऱ्या भावनांचा तमाशा कराया फुले चालली 

गुणीवंत नाही दयावंत नाही इथे भावनी भव्य बाजार हा 

इथे रंक नाही न राजा कुठेही कुणी ना कुणाचे निराधार हा 

मनाजोगती वाट शोधावायला मनाने मनालाच ढकलायचे 

नवा जन्म घेऊन दाही दिशांना नव्या प्रेरणेनेच सजवायचे