चित्ती येता तू

आभास हा तुझा जीव जाळी

भास होता तो मना जग भाळी

सांज एकली उरी चित्त होई वैरी

विचार तुझा मनाला माझ्या छळी

भावनेस या खुळा छंद  जडी

नजरेस पडता येई लाज गाली

चित्त गुंतले की तुझ्यातच मी

चित्ती यावे तू क्षणात हरावे मी

मनात आसपास तुझाच वावर

क्षण न क्षण गुंजन मधाळ स्वर

भान हरपते निशा पहाटेत विलीन

चित्ती येता तू हरावे स्वत्वाचे मखर

कावरी बावरी शमा निःशब्द नजर

तुझ्या मनी येण्याचा हाच असर

मेघासवे गारवा भारवते जणू मन

चित्ती तू रेंगाळता गीत येई ओठावर