Library
!! चिंतारुपी चिता !!
!! चिंतारुपी चिता !!
1 min
366
जळणारी चिता तरी ,
मुक्त होते साऱ्या बंधनातून...
चिंतारुपी चिता मात्र ,
जाते जखमांच्या ज्वालातून...!!१!!
दुःख अनेक आले म्हणून ,
पळवाट कधी ना शोधली...
मोठ्यांचा सदा आदर करून ,
प्रेमाला तुझ्या सतत मुकली...!!२!!
माहेरचा कसा आधार घेऊ ,
झाली निराधार आई माझी...
जखमा तरी कोणाला दाऊ ,
वाट पाहते रोजच तुझी...!!३!!
काळजी, जिव्हाळा, प्रेम ,
सर्वच कसं संपलं...
चिंतेचे सावट कायम ,
हसण्यामागे सगळं मिटलं...!!४!!
वेदना देऊन मोकळे झाले ,
पदरात माझ्या पाडली चिंता...
एका अनुस्वाराने सर्व बदलले ,
जिवंतपणी मी झाली चिता...!!५!!
